Category: Tamil

கண்களை சற்று மூடினேன்
காகம் தன் சிறகால் அனைத்ததுபோல் ஓர் இருள்
அதன் சிறகுகளின் சலசலப்பில் உலகம் சற்று அமைதியானது
கால்கள் பதித்ததின் கீறல் ஒரு ராகம் மீட்டியது
காற்றிர்கே அறியாமல் இதயத்தின் தாளம் மாற்றி
இரத்தநாளங்களுடன் புனைந்து கொண்டன
அதை கவியாய் இக்காகிதத்தில் வரைய
தோல்கீறி வார்த்தைகளை வடிக்கவேண்டும்
இசையை உன் கண்கள் உணர

அவள் செவிகளில் விழ வேண்டிய கவிதைகளை
இங்கே தட்டி நான் விட்டெறிகிறேன்
இந்த பொழுதுகள் கழியவே
தேனாயில்லாவிடினும் புளித்து மதுவாய் மாறு
போதை ஒருநாள் தீரும்
அன்று பருகுகிறேன்.

உன் கரங்களுக்கிடையே என்னை அணைத்திருக்க
உன் மார்புகளுக்கிடையே முகம் புதைத்து
அழும் கண்ணீருடன் என் துன்பங்கள் கரையப்போவதில்லை
ஆனால் இன்றைய இரவுக்கது போதுமானதாகிறது

கடற்கரையில் பட்டாம்பூச்சிக்கு என்ன வேலை
தேன் வார்க்கும் பூக்களுமில்லை
உடன் பறக்க நட்புக்களுமில்லை

கரை நோக்கி வீசும் எதிர்காற்றில்
தன் சிறகுகளை கூர் தீட்ட
மனல்மோதும் அலைகள் மேலே பயணிக்கறதா