ஆசை

உன் ஆழ்ந்த சிந்தனைகளில் மூழ்கி
அதில் ஒளிர்க்கும் முத்தை தேடிடவேண்டும்.
உன் எரிக்கும் கோபத்தில் கரிந்து
அதை கலைக்கும் வைரம் ஆகிடவேண்டும்

உன் மௌனத்தை கலைக்கும் சிரிப்பை
நானே வித்திடவேண்டும்
உன் கண்கள் கரையும் துளிகளை
இருகரத்தால் ஏந்திடவேண்டும்

உனை வர்ணிக்க ஓர் நாளாவது
நான் கவியாகிடவேண்டும்
அதை நீ பாடும் பொழுதினில்
நான் தமிழாகிடவேண்டும்

நரைகூடி நடைபழக கடற்கரை மனலில்
நாம் தத்தி தடுமாறி கரம்தழுவ
ஒருபோல் எண்ணங்கொண்டு இன்றை
இதை எண்ணி நகைத்திடவேண்டும்